Një nga pamjet më mahnitëse të planetit tonë po vjen në qiell – një Hënë super e përgjakur.
Në eklipsin e vetëm të plotë hënor të vitit, Toka do të vijë midis Diellit dhe Hënës. Duke rënë plotësisht në hijen e Tokës, Hëna do të errësohet ngadalë përpara se të bëhet e kuqe e errët.
Ajo do të jetë e dukshme me sy të lirë para agimit të së Hënës në pjesën më të madhe të Evropës. Amerika do të ketë një pamje të mrekullueshme të Dielën në mbrëmje.
Hëna do të duket më e madhe se zakonisht, sepse do të jetë në pikën më të afërt me Tokën në orbitën e saj, duke i dhënë asaj emrin Superhëna.
E vetmja dritë e diellit që arrin në Hënë gjatë eklipsit të plotë do të jetë duke kaluar nëpër atmosferën e Tokës.
Kjo dritë do të jetë e kuqe gjaku, nga të gjitha lindjet dhe perëndimet e diellit të Tokës të reflektuara në sipërfaqen e Hënës, shpjegon Dr Gregory Brown, astronom në Observatorin Mbretëror në Greenwich, Londër.
“Ju në fakt do të shihni çdo lindje dhe çdo perëndim të diellit që ndodh rreth Tokës menjëherë. E gjithë kjo dritë do të projektohet në Hënë,” tha ai për BBC News.
Meqenëse tek ne Hëna do të perëndoj më herët, nuk do të mund ta shohim atë të tërësisht të “përgjakur” por vetëm pjesërisht.
Në Kosovë, fenomeni do të filloj në orën 03:32, ku gjysmëhija e Tokës do të prekë Hënën, ndërsa nga ora 04:27 fillon eklipsi i pjesshëm, Hëna fillon gradualisht të errësohet dhe të bëhet e kuqe, ndërsa maksimumi i eklipsit do të jetë në orën 05:10, ky është momenti kur eklipsi arrin madhësinë e tij më të madhe përderisa e gjithë Hëna është mbi horizont.
Pika maksimale e vërtetë e këtij eklipsi nuk mund të shihet sepse Hëna në atë kohë është nën horizont. Meqenëse Hëna është afër horizontit në këtë kohë, ju rekomandojmë të shkoni në një pikë të lartë ose të gjeni një zonë të papenguar me shikim të lirë drejt perëndimit-jugperëndimit për pamjen më të mirë të eklipsit.
Pra, në orën 05:13 është perëndimi i Hënës, por kombinimi i një hëne shumë të ulët dhe fazës së eklipsit total e bën Hënën aq të zbehtë përpara se të perëndojë, saqë mund të zhduket nga pamja pak kohë para se të perëndojë.
Sipas parashikimeve meteorologjike nga ana jonë, koha do të jetë në favorin tonë, pra, qielli do të jetë i kthjellët. /MeteoKosova/
Albanian 
English