Roveri Perseverance i NASA-s regjistron video të eklipsit të diellit në Mars

Roveri Perseverance sapo dëshmoi një lloj unik të eklipsit përderisa ishte ulur në sipërfaqen e Marsit.

Dhe megjithëse duket sikur roveri po shikonte hijen e një patate të kalonte sipërfaqen e kuqe të Marsit, ky është në fakt Phobos, një nga dy hënat e vogla të Marsit.

Preverance vëzhgoi eklipsin 40 sekonda më 2 Prill. Nëse kjo tingëllon shumë më e shkurtër se një eklips diellor tipik që mund të shohim nga Toka kur hëna jonë kalon përballë diellit, kjo është për shkak se Phobos është rreth 157 herë më i vogël se hëna jonë.

Roveri vazhdon një histori 18-vjeçare të robotëve që vëzghonin eklipset në Mars, i cili filloi me roverët Spirit dhe Opportunity të NASA-s në 2004 dhe u pasua nga Curiosity duke kapur videon e parë të një eklipsi marsian në 2019.

“Ju mund të shihni detaje në formën e hijes së Phobos, si kreshta dhe gunga në peizazhin e hënës, “tha Mark Lemmon, një astronom planetar me Institutin e Shkencave Hapësinore në Boulder, Kolorado, në një deklaratë. “Ju gjithashtu mund të shihni njollat e diellit. Dhe është interesante që ju mund ta shihni këtë eklips pikërisht ashtu siç e pa roveri nga Marsi.”

Forcat baticore të gravitetit të Phobos tërheqin koren dhe mantelin e planetit të kuq, duke deformuar paksa shkëmbin marsian. Nga ana tjetër, kjo forcë gravitacionale ndryshon orbitën e Phobos.

Vëzhgimet e eklipsit të Phobos i ndihmojnë shkencëtarët të gjurmojnë se si orbita e hënës po ndryshon me kalimin e kohës dhe të parashikojnë më mirë se kur do të përfundojë koha e Phobos. Dhjetëra miliona vjet nga tani, ai ose do të përplaset në Mars ose do të copëtohet në copa që do të bjerë shi në Mars. /MeteoKosova/