Vala e të nxehtit tashmë ka kapluar pjesën më të madhe të Evropës, përfshirë edhe vendin tonë. Megjithatë për dallim nga vendi ynë, pjesë të Evropës kanë filluar të ballafaqohen edhe me stuhi të forta, të cilat po sjellin edhe dëme konsiderueshme në pjesë të ndryshme të vendeve.
Situatë krejt tjetër po mbizotëron tek ne, me diell e vranësira të pakta dhe me temperatura të larta, të cilat do të fuqizohen tutje gjatë të Enjtes, duke arritur deri në 37 apo 38°C në shkallë vendi.
Për këto kushte ka paraparë edhe rrjeti i shërbimeve meteorologjike kombëtare evropiane EUMETNET, ku Kosovën e ka vendosur në alarmin e kuq për nxehtësi ekstreme në ditën e Enjte.
Detajet nga alarmi:
Temperatura maksimale ≥38°C. Kushtet e motit jashtëzakonisht të rrezikshme, veçanërisht nëse ndodhin disa ditë rresht. Jetët e rrezikuara të njerëzve (veçanërisht për të sëmurët kronikë, personat nën terapi dhe kontroll mjekësor ose meteoropatët) dhe kafshëve. Probleme serioze në furnizimin me energji elektrike, probleme në trafik. Kushtet e motit jashtëzakonisht të favorshme për zjarre në pyje dhe të tjera. /MeteoKosova/
English 
Albanian