Këto janë mënyrat si mund të mbrohemi nga rrufetë

Mësoni si të mbroni veten në një stuhi.

Ka shumë mite rreth rrufesë – si p.sh. rrufeja nuk godet kurrë të njëjtin vend dy herë ose godet gjithmonë objektin më të lartë. Të dyja janë false, pasi rrufeja godet përcjellësin më të mirë në tokë – pavarësisht nëse është goditur më parë apo jo.

Nëse gjendeni jashtë

Ju mund të mbroheni nga rreziku edhe nëse gjendeni jashtë kur rrufeja është afër.

• Nëse moti parashihet me stuhi, shtyni udhëtimin ose aktivitetin tuaj.
• Mbani mend: Kur bubullimat fillojnë, hyni brenda. Gjeni një strehë të sigurt dhe të mbyllur. Strehëzat e sigurta përfshijnë shtëpi, zyra, qendra tregtare dhe automjete të mbyllura mirë.
• Mos harroni rregullin 30-30. Pasi të shihni vetëtimën, filloni të numëroni deri në 30. Nëse dëgjoni bubullima para se të arrini të 30-at, hyni brenda. Pezulloni aktivitetet për të paktën 30 minuta pas zhurmës së fundit të bubullimës. Njerëzit janë goditur nga rrufetë edhe përderisa stuhitë kanë qenë me qendër deri në 16 kilometra larg.
• Distanca nga stuhia midis vendit tuaj mund të përcaktohet nga koha midis shkrepjes së rrufesë dhe bubullimës (1 sekondë – distanca prej 300-400 metra, 2 sekonda – 600-800 metra, 3 sekonda – 1 km); Pra, çdo 3 sekonda nga bubullima, rrufeja është 1 km më larg jush.
• Nëse jeni kapur në një zonë të hapur, veproni shpejt për të gjetur strehim adekuat. Veprimi më i rëndësishëm është të largoni veten nga rreziku. Përkulja ose ulja në tokë mund të zvogëlojë shanset për t’u goditur, por nuk ju largon nga rreziku. Nëse kapeni jashtë pa strehë të sigurt aty pranë, veprimet e mëposhtme mund të zvogëlojnë rrezikun tuaj:
  • Zbrisni menjëherë nga zonat e ngritura si kodrat, kreshtat malore ose majat.
  • Asnjëherë mos u shtrini në tokë. Mundohuni të prekni sa më pak tokën me trupin tuaj dhe qëndroni në pozicionin me duart në gjunjë dhe me kokën të vendosur mes tyre.
  • Asnjëherë mos u streho nën një pemë
  • Asnjëherë mos përdorni një shkëmb ose një mbivendosje shkëmbore për strehim.
  • Dilni menjëherë dhe largohuni nga pellgjet, liqenet dhe trupat e tjerë ujorë.
  • Qëndroni larg objekteve që përçojnë energjinë elektrike (të tilla si gardhet me tela me gjemba, linjat e energjisë elektrike, etj.

• Qëndroni larg dyshemeve ose mureve prej betoni. Rrufeja mund të kalojë nëpër çdo tel ose shufër metalike në muret ose dyshemetë prej betoni.

Nëse gjendeni brenda

Të qenit brenda nuk ju mbron automatikisht nga rrufeja. Në fakt, rreth një e treta e lëndimeve nga rrufeja ndodhin në ambiente të mbyllura. Këtu janë disa këshilla për të mbajtur të sigurt dhe për të reduktuar rrezikun për t’u goditur nga rrufeja gjersa jeni brenda.

• Shmangni kontaktin me ujin gjatë një stuhie. MOS bëni banjë, dush, lani enët ose mos keni ndonjë kontakt tjetër me ujin gjatë një stuhie. Rrufeja mund të udhëtojë përmes hidraulikës.
• Shmangni përdorimin e pajisjeve elektronike të të gjitha llojeve. Rrufeja mund të udhëtojë përmes sistemeve elektrike dhe sistemeve të marrjes së radios dhe televizionit.
• Shmangni përdorimin e telefonave me kabllo. Telefonat me kabllo NUK janë të sigurt për t’u përdorur gjatë një stuhie. Megjithatë, telefonat pa tela ose celularë janë të sigurt për t’u përdorur gjatë një stuhie.
• Shmangni dyshemetë dhe muret prej betoni. MOS shtriheni në dysheme betoni gjatë një stuhie. Gjithashtu, shmangni mbështetjen në muret e betonit. Rrufeja mund të kalojë nëpër çdo tel ose shufër metalike në muret ose dyshemetë prej betoni.

Goditjet e rrufesë mund të jenë të rralla, por ato përsëri ndodhin dhe rreziku i lëndimit të rëndë ose vdekjes është i rëndë. Merrni seriozisht stuhitë. /MeteoKosova/