Edhe gjatë kësaj jave vendi ynë do të mbetet nën ndikimin e masave të nxehta nga Afrika veriore dhe kryesisht të kushteve të qëndrueshme atmosferike.
Nën këto kushte, moti do të mjaft i nxehtë, i karakterizuar me diell dhe vranësira të pakta, të cilat të Martën, e veçanërisht të Enjten, parashihet në zona të caktuara të sjellin ndonjë reshje lokale me shkarkesa afatshkurtra elektrike.
Sipas parashikimeve të fundit, masa më të freskëta ajrore parashihet të depërtojnë të Dielën, sidomos rreth pjesës veriore, duke bërë që temperaturat maksimale të pësojnë ulje për disa gradë drejt veriut, ndërsa jugu fare pak do të ndikohet.
Era do të fryjë drejtimesh të ndryshme, e cila kohë pas kohe pritet të jetë mjaft e fuqishme, sidomos në pjesën e dytë të javës, me shpejtësi prej 15-55 km/h!
Temperaturat minimale do të luhaten prej 17 deri në 22°C, ndërsa ato maksimale prej 30 deri në 38°C. /MeteoKosova/
Albanian 
English