Dita e Shtunë u dominua nga moti kryesisht me diell dhe nga masat e fuqishme të nxehta me origjinë nga Afrika e Veriut, duke shënuar ditën më të nxehtë deri më tani për këtë vit.
Pra, sipas matjeve nga “Stacioni Personal Meteorologjik” në Gjilan dhe të IHMK-së, temperaturat maksimale nëpër qendrat kryesore u luhaten prej 35 deri në 38°C, ku vendet më të nxehta ishin Gjakova dhe Kamenica, ndërsa në Gjilan arriti deri në 37.3°C.
Edhe dita e Dielë parashikohet jashtëzakonisht e nxehtë, megjithatë gjatë orëve të pasditës dhe mbrëmjes pritet të ketë rrebeshe lokale shiu e shkarkesa rrufesh, duke mos përjashtuar mundësinë për breshër. Po ashtu, pritet të ketë fuqizim në parametrin e erës, me shpejtësi deri në 60 km/h!
Në zonat me të reshura, temperaturat do të pësojnë ulje të ndjeshme, duke sjellur freski sado pak në këto temperatura eksteme.
Temperaturat minimale do të luhaten prej 17 deri në 22°C, ndërsa ato maksimale prej 34 deri në 38°C.
Edhe java e ardhshme parashihet me temperatura të larta, megjithatë nga dita e Mërkurë sërish parashihen të reshura e shkarkesa rrufesh, e sidomos të Dielën, ku priten ulje më e ndjeshme e temperaturave si dhe stuhi të fuqishme, për të cilat do të informoheni me kohë. /MeteoKosova/
Albanian 
English