Një ekspeditë e re gjithëpërfshirëse shkencore e quajtur “Misioni i Samitit të Tokës 2022”, e cila është pjesë e sondazhit të dytë kërkimor shkencor të Kinës në Pllajën Qinghai-Tibet, po i çon shkencëtarët në lartësi të reja.
Më 4 Maj, 2022, në majën më të lartë në botë, në një lartësi prej 8,848 metra, shkencëtarët kinez vendosën stacionin më të lartë të monitorimit meteorologjik në botë.
Të Mërkurën, ekuipazhi prej 12 anëtarësh arriti në majën e malit Everest, i njohur gjithashtu si mali Qomolangma, i cili do të jetë vendndodhja e re për stacionin automatik të motit. Në samit, anëtarët e ekuipazhit përdorën radarët me saktësi të lartë për herë të parë për të matur trashësinë e akullit dhe borës. Ata gjithashtu mblodhën mostra të borës, akullit dhe shkëmbit për kërkime të mëtejshme.
Stacioni me energji diellore është projektuar për të qëndruar për dy vjet në kushte të vështira të motit. Sipas raportimeve të ndryshme të mediave kineze, ai është i pajisur me një sistem komunikimi satelitor për transmetimin e të dhënave dhe radioja është koduar për të transmetuar çdo 12 minuta.
Sipas grupit Tibetan Plateau Research (ITP) nën Akademinë Kineze të Shkencave (CAS), ky stacion i motit është në lartësinë më të lartë të llojit të tij, duke zëvendësuar stacionin e vitit 2019, i cili ndodhet në një lartësi prej 8,430 metra dhe ishte instaluar nga shkencëtarët amerikan dhe britanik në anën jugore të malit.
Një nga detyrat kryesore të Kinës në këtë ekspeditë shkencore është instalimi i tetë stacioneve meteorologjike me gradient lartësie në malin Everest. Tre nga tetë stacionet janë instaluar tashmë në fillim të këtij viti. Stacionet janë në lartësi 7,028 metra, 7,790 metra, 8,300 metra, dhe më i riu tashmë është më i larti në 8,848 metra.
Të dhënat e mbledhura nga këto stacione meteorologjike do të japin një pasqyrë të vlefshme për gjendjen e borës malore dhe akullnajave lokale, të cilat kanë qenë burimi i ujit për më shumë se 10 lumenj të mëdhenj në Azi që ushqejnë miliarda njerëz.
Ai gjithashtu do të ndihmojë shkencëtarët të kuptojnë dhe monitorojnë sistemin global të monsunit, në mënyrë që politikbërësit të mund të marrin vendime të informuara në lidhje me ndryshimin e klimës, zhvillimin e qëndrueshëm dhe ruajtjen e biodiversitetit.
Për më tepër, stacionet e reja të motit pritet ta bëjnë ngjitjen më të sigurt, pasi afërsisht një e katërta e vdekjeve në mal ndodhin për shkak të motit të keq. Më parë, alpinistët duhej të mbështeteshin vetëm në parashikimet e motit, të cilat ishin thjesht parashikime të bazuara në të dhënat e modelit, por stacioni i ri do të lejojë që parashikimet të kombinohen me të dhënat e motit në kohë reale, duke i bërë ato më të sakta.
Që nga mesi i shekullit të 20-të, Kina ka nisur ekspedita të shumta kërkimore në malin Everest, por shumica e këtyre studimeve janë kryer nën një lartësi prej 6,000 metra, gjë që çoi në shumë pyetje pa përgjigje në komunitetin shkencor rreth asaj se si ndryshimet klimatike po prek malin.
Por përgatitja për një ekspeditë si ajo që ekuipazhi prej 12 anëtarësh ndërmori të Mërkurën, mori më shumë se 200 njerëz dhe dy vjet punë të vështirë.
Ekuipazhi ishte i pajisur me instrumentet më të avancuara shkencore të disponueshme, të tilla si drone, automjete sipërfaqësore pa ekuipazh, balona meteorologjike, aeroplanë dhe madje edhe helikopterë, sipas një artikulli lajmesh nga China Daily.
“Ndërsa kërkimi ynë vazhdon, unë besoj se do të kemi më shumë zbulime dhe zhvillime për të ndarë me botën”, tha Tandong për China Daily. /MeteoKosova/
Albanian 
English