Mbi vendin tonë po mbanë mot me diell dhe vranësira e me temperatura më të ulëta, për shkak të largimit të masave të nxehta afrikane në drejtim të lindjes. Po ashtu, ka edhe erëra të fuqishme nga kuadrati i jugut dhe jugperëndimit, të cilat në orët vijuese pritet të fuqizohen në shkallë vendi, duke arritur shpejtësinë deri në 70 apo 80 km/h, me ç’rast parashihen edhe dëme materiale.
*Eksperimentuesit Evropian për Parashikime të Stuhive është një iniciativë e një ekipi meteorologësh evropianë dhe studentë në meteorologji dhe shërben si një platformë për shkëmbimin e njohurive rreth parashikimit të stuhive të forta konvektive në Evropë dhe kudo tjetër.
Gjatë orëve të pasditës dhe mbrëmjes parashihet të depërtojë gradualisht fronti i ftohtë, duke sjellur rrebeshe lokale shiu, breshër dhe shkarkesa rrufesh, të cilat në zona të caktuara mund të jenë në formën e superstuhive. Njëkohësisht, edhe temperaturat do të pësojnë ulje të theksueshme. Kështu, duke i dhënë fund vapës ekstreme.
Reshjet do të vazhdojnë lokalisht edhe pas mesnate deri në orët e mëngjesit, duke mbetur vetëm të izoluara në zona të caktuara gjatë ditës së Enjte. Përndryshe, do të mbajë mot me diell dhe vranësira dhe dukshëm më freskët. Temperaturat maksimale prej 20 deri në 25°C. /MeteoKosova/
Albanian 
English