Pas thatësirës eksteme që ka përfshirë vendin tonë, rajonin dhe më gjerë, nga dita e sotme dhe në vazhdim pritet destabilizim i fuqishëm në kushtet e motit.
Në orët vijuese pritet të ketë intensifikim të reshjeve në Shqipëri, Mal të Zi, Kosovë dhe Maqedoninë e Veriut, të cilat do të jenë me karakter lokal dhe në momente të caktuara në formë të rrebesheve afatshkurtër.
Të Enjten dhe ditëve në vazhdim, do të mbajë mot me vranësira dhe intervale me diell, ku kohë pas kohe priten rrebeshe lokale shiu, të shoqëruara me breshër dhe shkarkesa rrufesh, sidomos në Mal të Zi dhe Shqipëri, duke çuar vendin në vërshime lokale.
Po ashtu, do të ketë fuqizim në parametrin e erës nga kuadrati i jugut dhe jugperëndimit, e cila shpesh herë pritet të jetë e fuqishme, me shpejtësi prej 40 deri në 100 km/h në Shqipëri, ndërsa në Kosovë prej 40 deri në 80 km/h!
Temperaturat do të ruajnë pak a shumë vlerat konstante të ditëve të mëparshme, ndërsa ulje e ndjeshme e tyre pritet në fundjavë, duke krijuar kushte edhe për borë, kryesisht në zonat malore, e duke mos përjashtuar mundësinë edhe për në disa zona të ulëta të Kosovës dhe Maqedonisë së Veriut. /MeteoKosova/
Albanian 
English