Asteroidi me madhësinë e një autobusi, ndër më të afërtit që kalon SONTE pranë Tokës

Një asteroid po lëviz drejt Tokës dhe pritet të bëjë një nga kalimet më të afërta ndonjëherë, ka thënë NASA.

Objekti pritet të kalojë i sigurt. Por do ta bëjë këtë jashtëzakonisht nga afër: duke iu afruar Tokës më shumë se orbita e shumë asteroidëve.

Shkëmbi hapësinor, i njohur si 2023 BU, do të kalojë pranë Tokës me shpejtësi 53.000 km/h në një distancë prej 3,400 km (2,100 milje) nga sipërfaqja.

Objekti do të bëjë afrimin e tij më të afërt sonte pas mesnate. Ai do të arrijë në orën 01:27 të së Premtes me orën tonë lokale.

Mendohet të jetë afërsisht 3.5 metra i gjerë dhe 8.5 metra i gjatë.

Ai u gjet nga astronomi amator Gennadiy Borisov – i cili gjithashtu zbuloi kometën 2l/Borisov, një objekt intrigues që mendohet se na ka vizituar nga jashtë sistemit diellor – më 21 Janar.

Brenda pak ditësh, astronomë të tjerë jo vetëm që kishin konfirmuar ekzistencën e objektit, por gjithashtu kishin bërë dhjetëra vëzhgime të tij, të cilat i ndihmuan shkencëtarët të parashikonin orbitën e tij nëpër hapësirë.

Nasa thotë se nuk ka “asnjë rrezik” që objekti të përplaset me Tokën.

Por edhe nëse do të ndodhte, nuk do të kishte gjasa të shkaktonte ndonjë dëm të konsiderueshëm. Asteroidi do të shndërrohej në një top zjarri ndërsa do të hidhej në atmosferë, duke u shpërbërë dhe duke lënë pas disa asteroidë të vegjël më së shumti. /MeteoKosova/