Uragani Erin, uragani i parë madhor i sezonit të uraganeve në Atlantik 2025, është intensifikuar me shpejtësi në një stuhi jashtëzakonisht të rrezikshme të Kategorisë 5. Të gjithë sytë janë kthyer ndërsa ky sistem lëviz pak në veri të ishujve të Karaibeve.
Pak pasi Erin filloi intensifikimin e shpejtë në një uragan madhor, “Hurricane Hunters” zbuluan se Erin ishte forcuar me shpejtësi.
Stuhia përmban erëra të qëndrueshme deri në 257 km/h, me shpërthime të forta (gust winds) që arrijnë deri në 315 km/h, duke e bërë atë një uragan të Kategorisë 5 sipas Shkallës Saffir-Simpson.
Një uragan i Kategorisë 5 përcaktohet nga erëra prej 252+ km/h, dhe është kategoria më e fuqishme e një uragani.
Qendra e Erin pritet të lëvizë afër ose pak në veri të Ishujve Veriorë Leeward gjatë fundjavës, sipas NHC.
“Përmbytje të konsiderueshme lokale dhe urbane, së bashku me rrëshqitje dheu ose baltë, janë të mundshme,” tha Qendra Kombëtare e Uraganeve.
Sasia e reshjeve prej 50–100 mm pritet deri të dielën, me sasi të izoluara që mund të arrijnë deri në 150 mm nëpër ishujt e Karaibeve.
Valë të rrezikshme dhe rryma të fuqishme pritet të godasin Karaibet këtë fundjavë dhe do të shtrihen në Bahame, Bermuda dhe bregun lindor të Shteteve të Bashkuara në fillim të javës së ardhshme. Ndërsa në këtë pikë nuk duket se Ishujt Leeward, Ishujt Virgin apo Porto Riko do të marrin një goditje të drejtpërdrejtë nga Uragani Erin, ndikimet kanë filluar të vërehen nëpër ishuj.
ÇFARË TË BËNI KUR JEPEN VËZHGIME DHE PARALAJMËRIME PËR URAGAN OSE STUHI TROPICALE PËR QYTETIN TUAJ
Erin u përcaktua si një stuhi tropikale të hënën, pasi më parë ishte një zonë me vlerë për hetim të mëtejshëm e njohur si Invest 97L. Para se të bëhej një sistem me emër, Invest 97L solli shi të dendur në ishujt Cabo Verde, duke shkaktuar disa vdekje dhe dëme të mëdha nga përmbytjet.
PRITET AKTIVITET MBI MESATAREN NË KËTË SEZON URAGANESH, SIPAS NOAA
Deri tani, sezoni 2025 ka prodhuar katër stuhi tropikale – Andrea, Barry, Chantal dhe Dexter – por asnjë uragan.
Kulmi i sezonit të uraganeve në Atlantik ndodh më 10 shtator. Sezoni i uraganeve në Atlantik zgjat nga 1 qershori deri më 30 nëntor. /MeteoKosova/
